كنت في راوند جراحة خاصة ... ماذا تريد أن تقول للزملاء الذين يدخلون هذا الراوند للمرة الأولى
السبت، 24 يناير 2009
هات راوندك .. جراحة خاصة
كنت في راوند جراحة خاصة ... ماذا تريد أن تقول للزملاء الذين يدخلون هذا الراوند للمرة الأولى
الاشتراك في:
تعليقات الرسالة (Atom)
هناك 7 تعليقات:
بسم الله الرحمن الرحيم
انا الحقيقة لسه مخلص امتحان الخاصة قصدي امتحانات الخاصة
وفعلا كانت ايام جميلة خالص والامتحانات كلها شفوي عايزة بس شوية تركيز جوة اللجنة
معلش انا دخلت في الامتحان علطول بس هوا ده الهدف اساسا من اي روند
بالنسبة للعضم
1- الكتاب مش عليه درجات بس ممكن تنفع القسم يعني مش مشكلة واهو كله بثوابه
2- المرور الصبح من الساعة 9 ل 10 صباحا كويس والمدرسين المساعدين بيشرحوا الاكس راي ع الحالات فاحضروه عشان مهم
3- بعد كده الدكنور بيدخل في قاعة الحسن ابن الهيثم بيشرح الموضوع اللي عليكم اللي غالبا بيبقى فراكشر وده انتا وراحتك بقى عايز تحضر او مش عاوز بس ياريت فعلا تحضر لانهم بيقولوا كلام انا مالقتوش في شرايط المطري
4- ما بقى بالنسبة للغياب فالست السكرنيرة بصراحة ست زي العسل يعني ممكن تاخد غيابك كله آخر الروند ومش هتقول حاجة(ابقى قوللها حتى ان انتا من طرفي ).
بالنسبة للمسالك
1- الكتاب عليه 10 درجات ولازم تجيبه عشان تسلم الشيت اللي فيه اللي بتفبركه يوم الامتحان الصبح
2-المرو في العنابر الحقيقة انا ماكنتش بحضره عشان كنت باجي متاخر فمش هقدر اقول رايي فيه لكن كنت بحضر في القاعة الصبح كانوا بيعرضوا فيديوهات وحاجات زي كده كانت جميلة الحقيقة
3- بعد كده الدكتور بيدخل في القاعة بتاع المسالك اللي هيا في الدور الاول في العيادة الشاملة وبيشرح الموضوع اللي عليكم
4- اهم حاجة لازم تحضرها هيا الالات بتاع المسالك ودي غالبا بتتشرح في الايام الاخيرة قبل الامتحان
5- بالنسبة لاهم الموضوعات فهي الاتي
Renal stones
BPH
symptomatologe
obstructinve uropathy
بالاضافه للالات طبعا
تقريبا ماحدش اتسال بره المواضيع دي
بالنسبة للتخدير
1- يوم الخميس فقط مخصص للتخدير + أول يوم أحد من الروند
2- مش مقرر علينا غير الكتاب اللي هوا حوالي 40 صفحة نصهم فارما والنص التاني باطنة زي
shock
blood transfusion
CPR
والامتحان ماحدش من الدكاترة بيخرج عن مواضيع الكتاب الا نادرا
وان نشاء الله نوافيكم بما هوا جديد
وربنا يوفقكم في الخاصة لانها على أد ماهي سهلة لكن درجاتها كتير (50 درجة) 20 للعضم و 20 للمسالك و 10 للتخدير
وفقكنا الله وإياكم
انا بس احب اضيف حاجه
اولا هو فعلا اكبر قدر من الاستفاده هايكون للعظام لان المرور بتاعهم فعلا مفيد جدا ولو حصل والدكتور ماجاش ممكن تحضر مع اى دكتور تانى وكمان تقريبا انت ملزم تخلص منهج العظام كله فى النظرى فياريت تركزوا فى مذاكرته من اول يوم
اما بالنسبه للمسالك فالمهم فى راونداتها انك تحضر شرح الاكس راى
والادوات وغير كده مافيش استفاده غير فى وقت المرور الصبح وطبعا حسب جدول المرور
اما التخدير
هو قسم محترم جدا وبرضه انت ملزم تخلص الجزء النظرى خلال فتره الشفت وهى ماده لذيذه جدا ممكن تخلص من مذاكرتها بانك تقرا الموضوعات اللى بتاخدهااول باول كمجرد قراءه لان الموضوع مش بيحتاج اكتر من كده وعشان ماتتراكمش عليك فى الاخر وتضطر تقرا المذكره كلها ليله الامتحان
وحضور التخدير من 3 درجات
والامتحان الشفوى درجته من 7
وربنا يوفقكم ويوفقنا جميعا يارب
تسلم يا صلوحه
وتسلمي يا دكتورة سحر
السلام عليكم ورحمة الله وبركاته
أنا مش هزود كتير عن اللي زمايلي قالوه لأنهم بجد ما شاء الله قالوا كل حاجة عن الراوند بالتفصيل لكن عايزة أقولكم خاصة وانتم لسة في الأول الراوند ممتع جدا جدا وحاولوا تستفيدوا منه على قد ما تقدروا وابدأوا مذاكرة من أول يوم خاصة في العضم لانه تقريبا كل موضوعاته بتتشرح في الراوند ومطالبين بمعظمها في الامتحان والحضور هام جدا وهتستفيدوا منه فعلا سواء المرور أو المحاضرة (اللي هية الجزء الثاني من الراوند)الدكاترة شرحهم ممتاز بجد راوند محترم كل مشكلته كانوا بيتأخروا شوية على ما يبدأوا معلشي بقى طولت عليكم في العضم بس لأني حبيته جدا .
أما المسالك الحقيقة بالنسبالي مكنش أد كدة المرور كويس واستفدت منه عامة الجزء الأول من الراوند مفيد أما الجزء الثاني فمش مفيد ماعدا آخر الراوند في الآشعة والآلات وعايزة أزود بس على الموضوعات المذكورة الTumours لأن مجموعتي كلها اتسألت فيها وللأسف مكنشي حد مذاكرها.
والتخدير جميل جدا بغض النظر عن جزء الفارما والحضور مهم ومفيد جدا .
ربنا معاكم ومعانا ان شاء الله
وأعتذر للاطالة.
بسم الله الرحمن الرحيم
انا مش هقول اكتر من اللي زملائ قالوه بس عايزه اقول ان العظم من المطري رائع انا جربت ياسر في العظم وندمت والمسالك كمان من المطري هو طويل شويه بس شرحه رائع والتخدير من كتاب القسم هو مكفي وموفي وهو اصلا قسم منظم جدا واحضروا العملي لانه مهم جدا وبجد اتعلمت منه حاجات عملي كتير خصوصا المعمل وربنا يكرمكم ولاتنسونا وفلسطين من دعائكم
بسم الله
انا موافق كل زمايى على اللى قالوه الا انى حاسس انى كنت فى راوند تانى
مكنش فيه مرور فى المسالك غير يوم واحد والدكتور شرح فيه الhistory
ويوم عمليات بنشوف الات امنظار
ويوم تفتيت عدا ده كان المرور فى القاعه بنتفرج على فيديوهات فى القاعه لمدة عشر دقايق
حتى مشفناش غير حاله يتيمه كان بيشرح عليها الدكتور abdominal examination
بالمناسبه بيكون فى نهاية راوند العضم مراجعات مجمعه للمنهج كله مفيده جدا
ياريت التخدير يتذاكر اول باول
إرسال تعليق