إن شاء الله تعالى بداية من اليوم وحتى نهاية امتحانات راوند الجراحة العامة سنكون معا في ..
* خد خبرة .. وادعي لي ..*
* خد خبرة .. وادعي لي ..*
- عندك أسئلة تتوقع تتسأل في الامتحان ؟؟؟
- تعرف مواضيع مهمة لازم نركز عليها ؟؟؟
- امتحنت ، وخلصت والحمدلله ، وعايز تفيد زمايلك اللي هيمتحنوا ؟؟؟
لو عندك أي حاجه من الحاجات اللي فوق دي أو غيرها ...
يلا شارك معانا في مشروعنا ..
* خد خبرة .. وادعي لي .. *
ادخل على خانة آراء أسفل الموضوع ده .. واكتب كل اللي في نفسك ، وأي حاجه عايز توصلها لزمايلك ..
* خد خبرة .. وادعي لي .. *
* خد خبرة .. وادعي لي .. *
شفوي الباطنة ..كان البداية ، وإن شاء الله .. مش هيكون النهاية ..
................................................................................
................................................................................
تنبيه هام : نرجو عدم التعليق هنا في غير الـ جراحة العامة حتى يسهل متابعة الأسئلة ، ولكم جزيل الشكر .
هناك 10 تعليقات:
بسم الله الرحمن الرحيم
امتحنا اليوم اول مجموعة في الجراحة العامة
بدا الامتحان الساعة الثامنة صباحا
بدا الامتحان بالدخول مجموعات في العنابر
كل مجموعة مكونة من خمسة طلاب على كل حالة وكل واحد يكتب شيت لوحده
وبعد التشيت ينتظر الطلبة الدكاترة اللي بيجوا على الساعة التاسعة ويوزع الطلبة على لدكاترة
الحالة بتاعتنا كانت
incisional hernia after cholecystectomy not compl
دخلت للدكتور حسن عبدالعاطي وسالني حالتك اية واية الاسباب اللي بتعمل كده
واللي هي preop operative postop
بس هو ده السؤال
على قد الدرجة
وسال غيري امتى تقول كومبليكاتت واية هي الساين والسيمتوم وامتى تقول حصل استنجيولاشن
في حالات اخرى كانت معانا في العنبر زي
rt oblq ing h
cleft palate
sec toxic goiter
وحسب الدكتور تكون الاسئلة
بعض الدكاترة بيهتموا جدا انك تكون عارف اساميهم
مثلا الدكتور مصطفى الشيخ اعطى لطالب الفل مارك لانه عارف اسمه وانت ممكن تسال النائب عن اسم الدكتور قبل ما تدخله
الدكتور جمال موسى بتدخل عليه ويسالك حالتك اية ويسالك في حاجة تانية غيرها
مثلا لو قلت له هيرنيا هيسالك ثريويد
ولو كليفت بالت هيسالك هيرنيا وهكذا وسبب ذلك انه يقول ان احنا بنبقى قاريين الدرس كله نظري وعملي قبل ما نخش ودي حقيقة
تقريبا الامتحان نفس نظام امتحان عملي الاطفال تاخد حالتك وبعدين تطلع بره تستنى دورك في الكشف
في دكاترة تانيين بيسالوا في الاناتومي والباثولوجي والباطنة زي الدكتور مصطفى ابراهيم
وفي دكاترة بيحطوا العشر درجات بسؤال واحد
بالنسبة للبدل للزملاء فاعتقد انها مالهاش لازمة في عدد كبير من زمايلنا كان لابس كاجوال
كما ان الدكتور مصطفى الشيخ كان واقف معانا وقالنا لما تلبسوا بدل دلوقت في عشر درجات .. اخر السنة هتعملوا اية في 108 درجة
ردعليه زميل هنلبس بدلتين فوق بعض
نسيت اقولكم ان الامتحان في قسم الجراحة الداخلي اول فتحة شمال من مستشفى الاطفال الدور الثاني عند الكوبري
لو في اي تساؤل او استفسار انا تحت امركم
ربنا يوفق الجميع
دعواتكم
السلام عليكم و رحمه الله و بركاته .جزاكم الله كل خير يادكتور و ربنا يكرمك فى حياتك كلها .اللهم امين.و بجد ده المتوقع دايما من حضرتك .و معلش كان ليه شويه استفسارات صغيره . كان فى حالات ليمفاتيكااو اى حالات غريبه؟وهو فى حالات بتاخد فلوس؟و هل البالطو ضرورى؟و ياريت ياجماعه اللى يعرف حالات تانيه كانت موجوده يفيدنا؟و ربنا يكرمنا جميعا
ياجماعه بالنسبه لفيديوهات الكلينيكال الهندى اhttp://medicalclub.bb-fr.com/montada-f90/topic-t16609.htmللى يحب يشوفها و على فكره الموقع ده كويس قوى و عليه حاجات مهمهتانيه ممكن تتطلعوها بعد الامتحان
السلام عليكم ورحمه الله وبركاته
جزاكم الله كل خير يادكتور
بس ليا سؤال هو احنا بنكتب شيت كاما وبنقراه للدكتور ولا شورت كيس وبنقول الحاجات اللي لقيناه وبس وبعد كده اسئله
هوالدكتور بيسال شفوي بس علي الحاله ولا بيطلبو كلينكال اكزامينشن ونعمل بايدينا وكده
في حالات هيدرو سيل وفاريكو سيل علينا ولا لا
وجزاكم الله كل خير
بسم الله الرحمن الرحيم
حقيقة لم تكن هناك اي حالات غريبة
كله شفناه قبل كده في الراوندات
الغريب بس ان بعض الحالات كان فيها اكتر من حاجة
يعني في حالة متبهدلة خالص كان راجل مسن وعنده
bilat DIH & INCISIONL H
يعني بيبقى عندها حاجات كتير يعني حالة تقيلة
لكن غريبة فلا توجد
مافيش حالات بتاخد فلوس خالص وكنا بناخد و ندي مع الحالات بمنتهى الجمال والحرية
كان هناك بعض الزملاء لابسين بالطو والاغلب مش لابسين
بس هو مش ضروري ولا يُسال عنه
بالنسبة للشيت
فكل واحد بيكتب شيت كامل
وعلى حسب الدكتور
في دكاترة شفتهم بيخلوا الطلبة تقرا الشيت كاملا وبيعلقلك عليه نقطة نقطة
وفي اللي بيسالك عن التشخيص مباشرة ويسالك نظري زي الدكتور اللي دخلتله
وفي دكاترة بيخليك تعمل ايجزمنيشن كتير بينما في دكاترة مابيشوفوش الحالة اصلا
وفيه دكاترة بيدخلوا الطلاب مجموعات ودكاترة اخرين بيدخلهوهم فرادى
مثلا الدكتور مصطفى ابراهيم بيدخل خمسة خمسة وبيسال الاول سؤال ويخلي كل واحد يعلق على الاجابة هل هي صحيحة ام لا وهل عندك اضافة
دكتورتاني زي محمد المحلاوي ادخل الطلبة العشرة مرة واحدة وعمل معاهم قعدة وقعد يشرح لهم درس كليفت بالت لمدة اكثر من نصف ساعة وكل شوية بيسال سؤال على الماشي يعني كل دكتورليه نظامة وليه طريقة اسئلته الخاصة بيه
لم تكن هناك حالات هيدروسيل ولا فاريكو سيل
مثلما اكد لنا الدكتور السيد مندور
بالتوفيق للجميع
السلام عليكم و رحمه الله و بركاته .بالنسبه للامتحان النهارده بدئ حوالى 8ونص.و الحالات اللى شوفناها بالاضافه للدكتور قالها 1ry toxic &female paraumbilical &congenital inguinal herniaومعظم الدكاتره بيدو 10 ومنهم بيتكلمو كتير كانهم بيشرحو فى راوند و ممكن تراجعو قبل الامتحان عادى.بس فى دكتور ايمن كان بيعترض على العربى و طريقه نطق الانجليزى اللى هيدخلو ياخد باله .يعنى مش يقول الpatientو لا حتى لا او اه يقول yes or no .وربنا يوفقنا جميعا
بسم الله الرحمن الرحيم
احنا امتحنا النهارده والامتحان بدا الساعه 8ونص وكل خمسه بيدخلوا مع بعض على الحاله يعنى ممكن تختاروا بعض وتدخلوا على حاله واحده وبتاخد الشيت فى ربع ساعه فياريت كل واحد يخلى باله من الوقت بسرعه ويبص على الحاجات المهم فى الشيت وبعد كده بيجمعونا ف اوضه بتئعد تضبط شيتك مع اللى معاك وكمان بتذاكر الحاله اللى اخدتها والوقت كبيرررررررررررررر
وبعدها بتيجى الدكاتره تنادى على الارقام كل خمسه مع بعض بالترتيب
فيه دكاتره تخليك تقرا الشيت
وفيه دكاتره تخليك تعمل اى تيست او اى اكزامنيشن
وفيه دكاتره تسالك فى نظرى حالتك على حسب الدكتور بئى
الاسئله سهله والدكاتره كويسن
ومعظم الحالات herniaوخاصاparaumbilicalوincisional
بالتوفيق للجميع باذن الله
امتحنت النهاردة بدا الساعة 9 تقريبا خمسة بياخدوا الحالة مع بعض معظم ال دكاترة بيمتحنوا 10 او 5 مع بعض واوقات بتتسال فى حاجة تانية غير حالتك حسب الناس اللى معاك واخدين حالات ايه وفيه دكاترة بيشرحوا كتير قوى فى اللجنة زى د/اشرف اللى امتحنت عنده النهاردة ساعة ونص واقفين على رجلينا لحد ما جالى varicose ulcer ساعات يسال بالدور وساعات يرمى سؤال وصاحب النصيب يجاوب.. وبيخلى الطلبة يعملوا local exam على الحالة.. بس ما حدش يخاف الموضوع سهل و عبيط هى المشكلة بس تشتت الاسئلة ما تبقاش عارف عملت ايه بقيت عايز ة اخد الدكتور على جنب واقول له ايه رايك يا باشا ..وما فيش اى حالات زيادة عن المكتوب.. باى بقة احسن جالى hernia فى صوابعينى
السلام عليكم و رحمه الله و بركاته.بالنسبه لامتحان الاوسكى النهارده بدا حوالى الساعه 10 و بنتقسم اللجنه 20 طالب وبتدخل لــ 4 دكترة ورا بعض و كله pure clinical ومفيش نظرى خالص والدكتور الوحيد الى سال نظرى سال فى ال canscer breast ومكنش معاه حاله و الحالات الى شوفنها incisional hernia .multiple lipoma in arm .neurofibroma .liver .spleen .cervical ln.hydrocele.varicose vein .
وربنا معاكم جميعا
بسم الله
دخلنا على 4 حالات الاول د جمال موسى سالنا فى liver palpation
superficial palpation
التانى كانت الحاله طفل بياخد ستيرويد عشان الازماووشه مورم سالنا ايه رايك فى facies
واسبابه وناس كتير اتسالت فى اسباب generalized edema
وسالنى لو فيه ورم فى زاوية العين تبقى ايه dermoidوايه معنى الكلمه دى
التالت طلب انى اعمل الpopliteal pulse
وسالنى على scar فى رجل العيان وكانتkeloid او hypertrophic scar
الاخير سالنا كلنا فى نظرى varicocele من الالف للياء
إرسال تعليق