وقضى الله أمرا كان مفعولا ...
الحمدلله الذي هدانا لهذا وما كنا لنهتدي لولا أن هدانا الله .
...................................................................................
6/30 : بداية امتحانات أعمال السنة .
8/28: نهاية امتحانات النظري لسنة خامسه .
كثيرة هي الأحاسيس والمشاعر والأفكار والخواطر التي مرت علينا خلال هذين الشهرين وماسبقهما من فترة مراجعة .
* خواطر ممتحن *
دوّن خواطرك في امتحانات سنة خامسه .. هنا ..
هناك 25 تعليقًا:
اختبارٌ وانجلى .. نِعْمَ من قد أجـَّلا
أختلف معك صديقي في التاريخ فأغلبنا بدأ اختبارات اعمال السنه في 10/6 وهي اختبارات نهاية الراوند ثم تلاها الاستيفا ثم أعمال السنه ثم معارك أخر العام التى لم تنتهى بعد
لـــنـــا الـــلــــه
باختصار
كانت ايام ما يعلم بيها الا ربنا
على الله بس السنه الجايه مانفتكرش أيام الباطنه والأطفال دى ونقول إنها كانت جنه :(
يارب السنه الجايه ينسوا إنهم فى طنطا ويحاولوا إنهم يتعاملوا معانا على إننا كائنات بشرية حية ومفكرة ذات مشاعر !!
بداية .. أهنئ الجميع بشهر رمضان الكريم ، نسأل الله تعالى أن يجعل مقدمه علينا مباركا وأن يجعلنا من عتقائه من النار ومن المقبولين في هذا الشهر الكريم .
................................
مش عارف بقى دي أسميها تهنئه ولا راحة والسلام إن احنا الحمد لله انهينا نظري الأطفال ، وبقيلنا يومين امتحانات إن شاء الله ونخلص - بتشديد اللام أو بدون تشديدها -
.................................
ثالثا - وده موضوعنا وأعتذر للإطاله - الواحد مر عليه في الامتحانات خواطر كثيره لكن هذكر منهم 3 سريعا إن شاء الله
- مع زحمة المذاكرة وضيق الوقت وشدة الأعصاب - سبحان الله تجد إن ربنا بينعم على الواحد بنعم بسيطة ولكن مردودها عالي جدا : مثال لكده في أحد الأيام ومع ضيق الوقت الشديد ، من الله علي بغفوة سريعة لا تزيد عن ربع ساعة ، لكن بصراحة الواحد استيقظ منها وكانها ساعات .. هنا الواحد تذكر قول الله عز وجل لرسوله - صلى الله عليه وسلم - في أحد الغزوات ( ثم أنزل عليكم من بعد الغم أمنة نعاسا )
- الموقف التاني : إن بصراحة شديدة جدا الواحد بيحز في نفسه لما يلاقي في امتحان النظري - ورش عمل - بين الطلبة أثناء الامتحان يعني بمعنى صريح - غش جماعي - وبعدين في الشفوي والعملي - الكوسه - على قفا من يشيل ، أمال ازاي كل واحد هياخد حقه بعد كده .. لكن إن الله لا يضيع أجر من أحسن عملا .
- الموقف الأخير : الواحد في الامتحانات دي فعلا تأكد له معنى حديث الرسول صلى الله عليه وسلم ( من كان في حاجة أخيه كان الله في حاجته ) في كذا امتحان حتى ولو كان على حساب وقته ، الموضوع ده بيفكرني باحد اصدقائي كان السبب - بعد الله - في حصوله على مجموع عالي ودخوله كليه الطب ، وقفته مع احد زملائه أثناء امتحانات الثانوية العامة لأن والدة زميله توفيت في هذه الفترة .
ختاما .. لكم جزيل الشكر .
هم وانزاح
ياجماعه ياريت تشيلوا أغنية تامر حسنى من على المدونة وتحطوا أى حاجه تانيه..
مش مقبول أبدا إننا نسمع حاجه المفروض إنها مرتبطه بالدين والروحانيه من واحد صايع ومزور ؟
بغض النظر بقى الأغنيه حلوه ... صوته حلو .. مش عارف إيه
ده راجل ماشى فى اتجاه معين اللى عايز يسمعه فى الاتجاه بتاعه هوه حر لكن نسمعه فى حاجه دينيه أو روحانيه بتاع إيه ؟
هو إنتوا هتعملوا زى اللى جابوه هو وهيثم شاكر شريكه فى قضية تزوير شهادة التجنيد علشان يعملوا أغانى وطنيه !!!!!!
وقل للقلب لا تحزن فكلية الطب انفكشن و لن يجديك عقاقير و لن تشفيك انجكشن فكم من عاقل فطن سلك للطب دايركشن يظنه نعيما عزا و افضل سكشن لكن جميعهم هلكوا و لن تكون انت اكسبشن ....... كل سنة و انتم طيبين
السلام عليكم
سنه خامسه!!
سنه خامسه سنه اغرب من الخيال
مريت فيها بكل المحال
كل يوم new موال
لا تقولى باطنه ولا تقولى عيال
سنه خامسه !!
سنه اغرب من الخيال
مش هيكفى عنها كلام
لازم تمر بكل مافيها عشان تقدر
تقدر معاناتنا فيها
يلا
الحمد لله على كل حال
N.B
عجبتنى اوى الصوره
عندى قلق من mcqوالproplemsالله يكرمكوا لوحد يعرف الاجابات الصحيحة يقولها وربنا يستر في اللجى وجزاكم الله خيرا
عندى قلق من mcqوالproplems لوحد يعرف الاجابات الصحيحة يقولها وربنا يستر فى اللجى وجزاكم الله خيرا
الحمد لله الذي هدانا لهذا وما كنا لنهتدي لولا ان هدانا الله
عدي علي خير .. الحمد لله
الكل كان قلقان ومتوتر وخايف ومرعوب ومرتجف ومرتعش ومرتعدومتهيب ومتنرفز علي اخواته ومش بياكل ..او بياكل بزيادة اوي....
كل الرعب ده من امتحان دنيا ؟؟
يا تري هيكون حالنا ايه واحنا منتظرين بدء الحساب
أو منتظرين معرفة مصيرنا الابدي
اما الي نار ,, واما الي جنة
يارب نتعظ .. ومننساش كالعادة
الحمد لله اني خصلت امتحان الاطفال قبل مااتهبل
اللهم لك الحمد كما ينبغي لجلال وجهك و عظيم سلطانك
انا مش عايز ازعجكم بحكايتى لكن نفسى الدرس اللى تعلمتوا منها كل الناس تتعلمه انا عارف انكم ممكن تزعلوا منى لو قلتلكم ان مشكلتى كانت فى امتحان الباطنة النظرى هشان انا عارف ان اللى الامتحان كان سهل حتى لو ما بينا وبين بعضنا مش عايزين نعترف بالحقيقة دى كل الحكاية هشان ماطولش انا واحد زاكر كويس قبل الورقة الاولى اللى هى كانت سهلة اكتر لكن المشكلة الى كلنا عارفينها ان كل الواحد ما يزاكر اكتر بيحس بالخوف ان يكون فى حاجة مازاكرهاش وده اللى حصلى ممكن ما تصدقونيش لو قلتلكم ان كنت متوقع الاسئلة دى كلها لكن من شدة خوفى اول ما الورقة وضعت امامى حسيت ان نسيت كل حاجة كل حاجة ممكن تسموها "شوك" وعلى قد ماده مأثر عليا وحاسس احساس كبير ان هشيل الباطنة على الرغم من انى حليت كويس فى باقى الامتحانات غير النظرى لكن لأن اجلت ال20% فالنظرى عليه بكده درجة كبيرة المهم لما قاعدت مع نفسى وحاولت اعرف سبب اللى حاصلى لقتنى بصراحة استهال لان نسيت ربنا ونسيت ان النجاح مش بكم المزاكرة الى الواحد بيزاكرها لكن بتوفيق ربنا فى الاول والاخر وتأكد ليا الدرس الحمد لله بعد امتحان الاطفال اللى فيه والحمد لله قربت من ربنا كتير وعلى الرغم من الوقت كان قصير جدا والكم اللى زاكرته كان صغير جدا وتقريبا ماجاش من اللى زاكرته الا سؤال واحد والحمد لله رب العالمين ماحلتش الا نصف سؤال من الاسئلة الطويلة وده كله بفضل ربنا وحده ياريت اللى أقصده يكون وصلكم واستحلفكم بالله انكم تدعولى انا عارف ان فرصة نجاحى صغيرة بس مافيش حاجة كبيرة على ربنا وكل رمضان وانتم الى الله اقرب باذن الله "لااله الا الله محمد رسول الله"
أنا اللى مستغربله إن كان فيه غير معروف قال هدعيلك وأنا بحل سؤال الضياجنوزز
قعدت أستنى الدعوة
لحد ما الوقت خلص
بس مفيش حاجة
أنا مش هسامح غير معروف لو اتنفخت فى النتيجة
ربنا يستر
كل سنة وانتم وانتن جميعا طيبين بمناسبة شهر رمضان كريم ويارب يجعله مسك الختام
أما عن خواطري كممتحنة
فباختصار شديد
قبل الامتحانات مذاكرة وهم
أثناء الامتحانات إكتئاب وغم
بعد الامتحانات في انتظار النتيجة حرقة دم
امتحانات تفوت ولا حد يموت
وان شاء الله نسعد جميعا بتقديراتنا السنة دي ونبدأ المعركة الكبري مع سنة ساتة
ويارب يجعل كل لحظات الهم والغم اللي مرينا بيها في ميزان حسناتنا جميعا
من باطنة لاطفال يا قلبى لا تحزن
يكفي اني اقول اني جيت علي صحتي وكنت كل يوم بتنقع في مسحوق المذاكره
facial nerve
وانا لسه في ريعان شبابي في مقتبل حياتي اومال بقي لما اخلص واشيل هم العيال وامهم هيحصلي ايه هههههههه
يا جدعان والله والله احنا لينا الجنه وانا ليومنا هذا مش عارف اروح اخد جلسات علشان ايه مش عارف ؟
الحمد لله علي كل حال وهيا دي الذكريات اللي الواحد لما يفتكرها
يا اما يتحسر علي حاله او تجيله نوبة هستيريا ؟
دعواتكم يا جماعه لاني معملتش كويس في الورقه وضيعت كتير اوي دعواتكم ربنا ياخد بايدي علشان اعدي الباقي علي خير؟
ودعواتكم بالشفاء وكل سنه والجميع بخير ورمضان كريم علينا كلنا يارب
واحب اسمع اغنية
رحت يا شعبان ايوحه جيت يا رمضان
وبهديها لماما وطنط نجوي والعيال وامهم ههههههه
كالعاده تهييسة نص الليل
ههههههه انت بتقول فيها يا باجوجو دا الغير معرف شكله دعا علينا دعا غلط تقريبا ؟ ههههههههه
من لي سواك ومن سواك يري قلبي ويسمعه؟مولاي اني ببابك
معلش انا هستغل الفرصة دي يا مودي مودك ، واشكرك على مشاركاتك بصراحة اللي فعلا مفيده ، وان شاء الله ربنا هيكرمك بسببها ، فعلا جزاكم الله خيرا
بس متهيالي الكلام اللي فات ده كان تهييصة آخر الليل مش نصه
تحياتي
الى د مودى مودك شفاكم الله وعافاكم واذهب عنكم الحزن وعسى ان تكرهوا شيئا وهو خير لكم
ولو على الامتحان مش لوحدك اللى زعلان ياسيدى بس المهم تكون قدمت اللى عليك
وتثق بقدراتك
وانا بشكرك على مجهودك الرائع على المدونة ربنا يجعله فى ميزان حسناتك
حلم كبير
إنت اتحسدت يامودى
بس والله أنا إتفجأت بموضوع الفاشيال بلسى
ربنا يكرمك ويشفيك
وبالنسبة للإمتحان يارب الدرجات تبقى أفضل مما كنا ننتظر
بس المهم إننا نتعلم من دروسنا
أكيد كل واحد مننا قصر فى شئ ربطها بصعوبة الإمتحان
إما تقصير فى طاعة الله
أو تقصير مع الوالدين
أو تقصير فى المذاكرة
وبلاش نرمى بالتهم على ضيق الوقت
إذا كان الوقت ضيق فدا نتيجة دلع طول السنة
ولو كل واحد عمل اللى عليه
مكنش يزعل
لو فى حد مش مقصر فى أي حاجة
فأطلب منه بل وآمره أن يثق فى قول الله تعالى
إن الله لا يضيع أجر من أحسن عملا
ولو حد قصر واعترف بغلتطه
فأدعوه ألا يبكى على اللبن المسكوب
وفى نفس الوقت
لا يقنط من رحمة الله
ويارب نتعلم من أخطائنا
ربنا يكرمكم يا جماعه ويبارك فيكم وقدر الله وما شاء فعل
انا اللي سعيد اكتر بالمدونه اللي قدرت ادي فيها والحمد لله انا اتعودت ادي ومبخلش بمعلومه او اي حاجه تفيد غيري
ومش محمود بس بالعكس كل الناس هنا بجد محترمه وعاوزه تفيد من غير مقابل
ربنا يديم المحبه ونفضل علي طول كده
خلاص بقي لاني هعيط بجد هعيط
كل سنة و انتم طيبين
bsm allah el ra7man el ra7em
mabrok ennoko khallasto el emte7an el nazary
el7amdo lellah bgd enno 3adda 3ala kher 2abl ma kan yegralna 7aga
3ala fekra ana el gher mo3arraf elly 2olt le dr.mody w bagogo enny had3elhom
ana wallahy wallahy wallahy elly 3omry ma ha7lf beh kdb abadan enny da3etloko wana bakteb so2al el diagnosis
wallahy da3etloko w rbna shahed 3ala 7elfany da
!!!!!!!GHEEEEER MO3RRAF!!!!!!!
إرسال تعليق