فيما يلي أهم ما لدينا من أسئلة وتجميعات لأسئلة الامتحانات السابقة والمواضيع المهمة وبعض الاسكيمات في بعض البرانشات في الباطنة - مع ملاحظة أن ما فيها ليس كل المهم ولكن معظمه - سائلين الله عز وجل أن يجزي كل زملاءنا الذين أمدونا بها خير الجزاء ، والآن إلى اللينكات :
وإن شاء الله في حال ورود أي جديد سنضيفه إلى المدونة إن شاء الله ، كما نتمنى ممن لديه أي إضافة من ملفات أو أخبار أن يفيدنا ويفيد الزملاء بها .
......................................................................................
بالنسبة لدرجات الباطنة فحسب ما أبلغنا به زملاءنا في السنة الماضية ، كانت توزيعاتها على النحو التالي :
180 عشرين في المية
144+144 ورقة اولى وتانية
68*3 ثلاث لجان عملي
68 لجنة شفوي
50 كلينيكال باثولوجي
20 اشعة
10 اوسكي و اي سي جي
80 جلدية
هذا ما لدينا حتى الآن ، مع تمنياتنا للجميع بالتوفيق .
هذا ما لدينا حتى الآن ، مع تمنياتنا للجميع بالتوفيق .
هناك 6 تعليقات:
بسم الله الرحمن الرحيم
جزاكم الله خيرا يا جماعه علي المجهود الرائع دا بجد حاجه تشرف وتفرح وكمان الف شكر علي توزيع درجات الباطنه دي حاجه بجد كان بدي اعرفها . جزاكم الله عنا خيرا
جزاكم الله خيرا
جعله الله في ميزان حسناتكم
ونفعنا واياكم به
بسم الله
بالنسبة لامتحان الكلينيكال باثولوجي والاشعة وغيره فنظامه - بحكم ان اختي في سنة 6 وبسؤال العديد من الاصدقاء في الفرقة السادسة كذلك - كالاتي :
اولا بالنسبة للكلينكيال باثولوجي فهو لجنة واحدة
مذاكرة الباثولوجي هي عبارة عن
renal fun. tests
liver fun. tests
واي حاجة فيها ارقام سواء في اينزيمات الكارديو او غيره
عموما كل الحاجات دي بتنزل بيها مذكرة بعد امتحان الورقة الثانية وبتكون مذكرة للدكاترة في الكورسات وبتبقى متوفرة في المكتبات زي الرسالة
في ورقة مهمة جدا برضه في كتاب القسم وهي ورقة
tumour markers
بالنسبة لنظام الامتحان بيكون في يوم الاشعة والشفوي
كل اتنين بيخوشوا مع بعض على دكتور باثولوجي وعادة بتكون الاسئلة مشهورة وسهلة وان شاء الله نفيد بعض بيها على صفحات مدونة الرأي
الامتحان بيكون في الدور الثالث في الشاملة والامتحان عليه 50 درجة
بالنسبة للاشعة فهي لجنة واحدة بتخش على دكتور قدامه جهاز الاشعة وبيعرض عليك اشعة وانت تقوله نوعها وفيها اية وعادة كله بياخد درجة كويسة لاننا بنكون شايفين الاشعات دي على الاسطوانه ومافيهاش حاجة جديدة وان شاء الله الاسطوانة هتكون موجودة برضه وهنحملها على جروب طنطا دكتورز والرأي والاشعة عليها 20 درجة
بالنسبة للشفوي فهو لجنة واحدة برضه من 68 درجة وانت وحظك في الدكتور اللي هتدخله بس عادة الدكاترة بيفسحوك في المنهج ، باطنة بقى
بالنسبة للعملي
يوم العملي الصبح بتخش على مدرس مساعد بيسالك سوال اوسكي وسوال اي سي جي وعليهم 10 درجات وبعدين بتاخذ 3 ورقات فيهم الحالات اللي هتخش عليهم وكل حالة ليك معاها ربع ساعة
بس في نقطة بيقولوا عليها زمايلنا في الفرقة السادسة انه ممكن تغير الحالة لو كنت مش عاوزها نيورو مثلا ، بس خلو الموضوع ده سر وماتقولوش لحد وده كله حسب المدرس المساعد وعلى حسب تعاونه معاك
بالنسبة للجلدية الاخبار بتقول لحد دلوقت ان الامتحان هيكون ام سي كيو وان شاء الله هنبقى نتاكد من الموضوع ده من الدكتور رئيس القسم في حينه
المهم الان بحسب راي زمايلنا الكبار ان احنا نركز في النظري ولان درجة النظري هي اللي هتفرق لان الكل بياخد درجة حلوة في العملي والشفوي والاشعة
الله المستعان وان شاء الله لو في جديد هنتواصل بيه باذن الله تعالى
لا تنسونا من صالح دعائكم
بالتوفيق للجميع
السلام عليكم
سؤال ساذج معلش هو الامتحان الساعة كام بالضبط???
thank you
جزانا وإياكم جميعا وربنا يتقبل ويعينا ويعينكم في الباطنة يارب
شكرا جزيلا يا أحمد على هذه المعلومات القيمة عن امتحانات الشفوي والعملي
بالنسبة لسؤال زميلنا عن موعد امتحان الباطنة إن شاء الله الساعة عشرة صباحا ، والجدول موجود على المدونة في العمود الأيمن في الأسفل
جزاكم الله خيرا
جزاك الله عنا خير الجزاء يا دكتور احمد علي المعلومات الدقيقه والقيمه عن امتحان الشفوي
إرسال تعليق