* عن امتحان راوند الأطفال - مجموعة 4 - نتحدث ...

بداية ... الامتحان بيقسم على يومين :

في اليوم الأول بتمتحن " لونج كيس" و "imci" و " أوسكي "
وفي اليوم الثاني بتمتحن " تولز" و "شورت كيس" أو العكس .

بالنسبة للونج كيس :

ما عليك إلا أن تحفظ ال"items” اللي في آخر كتاب العملي الأول وهي عبارة عن شيت لل"infant” وشيت لل" child”
الموضوع سهل خالص ولا يحتاج أي مجهود كل ما عليك هو حفظ العناصر وعندما تدخل على الحالة تسألها وتملى شيتك ، ولكن خلي بالك من الوقت ، الوقت تقريبا ساعة لا تزيد ولا تنقص ويعتبر وقت صغير إذا لم تنجز في كتابة الشيت ، لأنك لازم تكتب عن كل العناصر زي النيورو وهو ما يحتاج الى وقت ، فخلي بالك وممكن تتجاوز بعض النقاط مثلا : ما تعملش test لل"nerves” وغيره واكتبها " نو ابنورمال داتا" ، وهكذا ، وابدأ في كتابة الـ regional examintions من الـ system اللي فيه الـ abnormal عشان ما تتزنقشي فيه .

بالنسبة لل"imci”

أول ما تخش على الحالة ، الدكتور لن يسألك ، هيقولك أتعامل أنت
وعلى المدونة تسجيل شرح للـ IMCI للدكتور محمد بر وهو فعلا بيوضحلك أنت هتعمل أية بالضبط وانه لازم تكون عندك ثقة بالنفس عشان دي أحد النقاط اللي بيركز فيها الدكتور على الطالب الممتحن ، وغالبا بيسألك انت هتشوف ايه ؟ طب هتحس ايه ، طب هتسمع ايه ؟ وآخر حاجه الـ ttt ايه بالـ dose بتاعة محلول الجفاف في الـ diarrhea .

بالنسبة للاوسكي

فهو من اسهل اللجان اللي ممكن تخشها

هتدخل على الدكتور ، هتلاقي معاه في الاوضة طفل وموديل، هيطلب منك سحب ورقتيين ، عادة واحدة بيكون فيها "sign" على موديل والورقة الأخرى بتكون على الحالة .

زي مثلا bag and mask ventilation و lower limb oedema و apex of the heart و rescue breathing وهكذا .

عموما القسم بينزل في نهاية الراوند CD فيها الاوسكيهات اللي عليك في الامتحان وبتذاكرها من كتاب العملي .

ده بالنسبة لليوم الأول .

بالنسبة لليوم الثاني ، هيكون الامتحان فيه عن التولز والشورت كيس .

بالنسبة للتولز

الامتحان عبارة عن 10 بروبلمات
ثلاثة أشعة " اكس راي " واحدة بون وواحدة كارديو وأخرى شيست " وواحدة أشعة مقطعية سي تي وبروبلم blood و neonate و hepatic و renal و growth و ECG

كل الكلام ده بينزل في ورق في مكتبة الرسالة وفيه كل التفاصيل

وقت الإجابة مناسب جدا والامتحان بيكون في قاعة الدكتور عبدالمنعم قنبر في الشاملة وعادة بيبدأ الساعة سبعة إلى سبعة و نصف

أهم حاجة لازم تركز عليها هو حفظك لصفحة الـ common laboratory findings في كتاب العملي الثاني صفحة 29 ، حيث أن في كل سؤال بيسالك عن ال"نورمال" كام في أي نقطة بيذكرها في الامتحان .

بالنسبة لاخر حاجة وهي الشورت كيس

هتخش العنبر و أنت وحظك هتلاقي حالتك ، هتاخذ منها شيت سريع لنفسك حلول تاخد قدر الامكان الـبوستيف داتا – لانك مش هتسلمه – وعادة بيكون الوقت مفتوح قدامك لان الدكاترة بيتاخروا في الحضور وبياخدوا بالدور فممكن تقعد مع الحالة مدة تتجاوز الساعة ، لكن قدر الامكان تحاول تعرف حالة ايه وتحضر نفسك في الموضوع ده بأهم حاجة في النظري بتاعه .

عادة الحالات بتبقى زي معظم الحالات اللي شفناها في الراوند .

كل ما عليك هو أن تذاكر دروس الحالات الموجودة معاك في النظري

مثال : حالة acute bronchiolitis

أول سؤال سأله الدكتور : حالتك اية ؟
تقول له: اكيس اوف ويزي شيست موست بروبايلي اكيوت برونكيوليتس وهكذا

يسالك عرفتها ازاي
هتقوله من الهستوري لأن والدته قالت كذا وكذا ومن البوزتف ساين اللي عليها وهي كذا وكذا ، وهكذا

هيسالك عن اهم الinvestigation
وكمان العلاج وممكن يسالك الجرعات كام

يعني عموما معظم الأسئلة بتكون من درس النظري بتاع الحالة اللي أنت واخدها .

ده كان نظام امتحان الأطفال ، وبنذكر مرة أخرى إن المجال سيفتح إن شاء الله لتبادل الخبرات .

أيضا بإذن الله سنقوم بتجميع الملفات الهامة في امتحان راوند الأطفال في موضوع خاص لمن يحتاج إلا تحميلها .

مع تمنياتنا للجميع بالتوفيق .